Til hamingju kæru vinir!!!!!

Já mig langar til að óska mínu kæru vinum í Egebjerg innilega til hamingju með nýja púkann. Megi hann jafnt sem móðir og rest af fjölskyldunni vaxa og dafna um ókomna tíð.

Annars er hér endalaus keyrsla í skemmtigarða út um hvippinn og hvappinn. Ungur systursonur minn heldur okkur við efnið og heimtar nýtt adrenalínrúss á kortesfresti (sennilega var maður svona sjálfur). Búið að strauja Friheden og Legoland verður tætt í sig á morgun. Go-kart er oldnews og Givskud er out-of-date. Maður verður nú að viðurkenna að maður er nú ekkert unglamb lengur hvað varðar rússíbana og önnur tívolítæki. Munaði minnstu að ég hefði bæði migið og skitið í brækurnar í dag í Friheden. En hvað gerir maður ekki fyrir "börnin"

 

veriði góð hvort við annað. 

Athugasemdir

[Egebjergbúinn (IP-tala skráð) 11.8.2008 kl. 15:33]

Þakka þér fyrir kveðjuna gamli :) Og góða skemmtun í öllum görðunum. Við verðum farnir að fara aftur í rússíbanana innan margra ára með blessuð börnin okkar hehe