Fæturnir batterýislausir!!

Sá eldri uppástóð það í kvöldmatnum í kvöld að fæturnir á honum væru batterýislausir. Taldi að þeim orsökum gæti hann ekki haldið áfram að borða dýrindis pasta sem móðir hans var búin að matreiða.
Góður!

Ég er búin að vera spá í þetta........

Og hef ekki komist að niðurstöðu ennþá......

Hvað heitir bitinn sem maður setur á milli sperra ef maður tekur eina í sundur og þarf að setja eitthvað á milli til að taka burðinn?

Veit hvað hann heitir á dönsku en man ekki íslenska heitið á honum........

rassgatíbala

Sigur og ekkert nema sigur

Liverpool eiga eftir að sigra leikinn í kvöld með 2 mörkum.......

horfiði bara.

Þeir verða að taka sig á eftir glórulaust tap á móti Totturunum á laugardag. Það er engan veginn fyrirgefanlegt að tapa fyrir hópi af miðlungsleikmönnum. Eina góða við tottarana er að Havartinn er stuðningsmaður þeirra sem gefur möguleika á skemmtilegum umræðum...

En vitiði til að sigur er nánast staðreynd.

Mínir menn!!!!!

Verð að segja að dagurinn í dag er sá besti sem ég hef átt lengi.......

1. sá yngstu var skýrður í danskri kirkju í dag....
2. mín ástkæra kona hafði orð á því að fyrra bragði hvort ekki ætti að horfa á Liverpool VS Chelsea í MIÐRI  skírnarveislu....
3. Liverpool sigraði chelsea og batt þar með enda á sigurgöngu chelsea í 4 ár og átta mánuði.
4. Krístín frænka skírði gorminn sinn í höfuðið á mér (og ég vil meina að það sé eingöngu í höfuðið á mér.

Langaði að deila þessu með ykkur gott fólk.

Go Liverpool

 

Djöfulssnilld maður

Jæja

Þá er haustfríið að renna sitt skeið og eftir sit ég með sárt ennið......Höfum notað tíma í að flytja Árósardömuna á milli húsa og er það vel. Fengum matföng og gistingu að launum og ekki veitir af á þessum erfiðu tímum. Reyndar má deila um hvort ekki sé hægt að fara í skaðabótamál vegna aums hnés og barnaþrælkunar sem óneitanlega átti sér stað á frumburði okkar hjóna.

Legoland hefur líka verið heimsótt og gekk sú heimsókn frekar vel vegna fámennis og liðheita Dana.

Barnaafmæli hefur verið afgreitt og mikið etið og spjallað þar.

En mál málanna er þó þetta......

Púllararnir eru enn taplausir og stefna hraðbyr á toppinn. Ég finn það á mér að þetta er þeirra tímabil.

Sammála.

 

Bjartsýni!

Komiði sæl

Langar soltið að fjalla um hvaða björtu punktar um að ræða fyrir námsmenn erlendis núna á þessum síðustu og verstu tímum. Sérstaklega þegar maður heyrir að það sé búið að loka fyrir færslur til og frá Íslandi vegna þess að gjaldmiðillinn heima á Íslandi sé ekki einu sinni notaður fyrir klósettpappír.

1. Nú geta námsmenn skilað inn líkamsræktarkortum og hætt að skokka og almennt hætt að hreyfa sig vegna þess að matur og önnur "munaðarvara" er nú utan seilingar vegna gjaldeyrisskorts í vasa.
2. Námsmenn geta líka afpantað væntanlegt pláss á Vogi vegna ofneyslu áfengis,(las einhversstaðar að helsti verðsamanburður væri mikið á áfengisverði). Þó að plássið sé borgað af mestu af ríki þá skortir fjármagn til að ná nægjanlegum árangri í drykkju til að eiga plássið skilið.
3. Ódýrir tölvu og flatskjáir koma nú til með að vera fáanlegir frá íslenskum námsmönnum á lágu verði vegna þess að þeim vantar gjaldeyri til þess að kaupa áfengi( og með því að kaupa áfengi þá er tilgangurinn að sjálfsögðu að afla sér heimilda um áfengisverð til að geta borið saman við sambærilega vöru á klakanum og rökrætt þá hvar sé ódýrara að neyta áfengis).
4. Smáauglýsingar Íslendingafélaga fyllast að gylliboðum um ódýrar mublur og innanstokksmuni sem er að vissu leyti sparnaður fyrir þá sem eru að flytja út til náms,(að því gefnu að þeir aðilar greiði fyrir vörurnar í einhverju öðru en íslenskum krónur).Sá gjaldmiðill er ekki pappírsins virði í augnablikinu.
5. sennilegt er að brotamálms framboð aukist til muna þegar ljóst verður hvort verður hægt að skila inn íslensku klinki til endurvinnslu.(gott fyrir umhverfið)
6. Aftur verða teknar upp bréfaskriftir á gamla háttinn því að internetáskrift er nú orðin munaðarvara og er það ekki eitt af því sem námsmenn hafa ráð á.(fólk lærir þá aftur hvernig á að nota penna og umslag,,,,,ergo frímerkjasöfn hækka í verði og hægt að selja þau í smáauglýsingum íslendingafélagana)
7. Reiðhjól verða seld dönum í kassavís af námsmönnum.(sem er gott því að þá verða þau kannski notuð eitthvað)
8. bílar notaðir sem íbúðir vegna skorts á fjár til leigu eða seldir því landi sem námsmaðurinn er staddur í hverju sinni.(partur af líkamsræktarávinning)
9. námsmenn fá þó ennþá tækifærið á að hreyfa sig þá að líkamsræktarkortið sé ekki lengur fyrir hendi vegna þess að þegar bíllinn er farinn, hjólið selt, og enginn aur fyrir strætó korti er göngutúr óumflýjanlegur.
10. Mikil sköpun kemur til með að eiga sér stað í eldhúsi námsmanna þegar reynt verður að elda úr því sem eftir er í ísskápnum.(glerhillur, plastskúffur og litlu hillurnar í hurðinni. Hugsanlega einstaka seglar sem enn hanga utan á skápnum. Ef heppnin er með námsmanninum er hann líka með frysti og getur því borðað klaka með vatninu úr krananum.

Ef ykkur dettur eitthvað fleira í hug þá endilega látið vita því að ég hygg á að búa til lista með því sem námsmenn taka sér fyrir hendur á þessum nýju og góðu tímum.

 

Hvað er í gangi?

Hvernig stendur á því að ein aðgerð hjá seðlabanka Íslands getur rýrt sparnað og lífeyrir landans?

Hvernig stendur á því að Kóngurinn hugsar ekki sínar aðgerðir alla leið áður en framkvæmd hefst?

Af hverju er ekkert gert í málunum? Af hverju situr ríkistjórnin og fundar bara? áf hverju fáum við ekkert að vita?

Af hverju kemur menntamálaráðherra fram í sjónvarpi og talar til blaðamanna eins og þeir séu óþoladi krakkaskammir?

Hvernig stendur á því að Bankamálaráðherrann var ekki með í ráðum þegar örlög Glitnis voru ráðin?

Ef þú getur svarað þessu þá bið ég þig að hafa samband við ríkisstjórnina og lesa þeim pistilinn....

(En ekki senda kónginum E-mail........hann kann ekki að opna það)

Einn drullufúll

Fjölskyldan!!!!

Mér varð hugsað til þess í morgun þar sem ég arkaði í Legolandi með konu og 2 börn að þetta væri nú staða sem ég sá ekki fyrir mér þegar ég stóð á sviði samkomuhússins, íklæddur alltoflitlum LA-Lakers bol og hamraði "sleggjuna" í viðurvist ölvaðs fólks sem tók vel undir. Og verð ég að segja að mér leið nú heldur betur í þessari "nýju" stöðu heldur en þeirri í "gamla" daga. Ég fylltist stolti að labba inn í Legoland með strákana og langaði að kalla á viðstadda að þeir næðu aldrei að toppa mína framleiðslu. Og hvað þá að toppa konuna mína. Sú er búin að standa sig eins og hetja i gegnum þetta allt saman. Þá er ég að tala um flutningana út og það að þurfa að horfa á eftir mér í skólann alla daga og hún hefur ekkert annað til að koma sér í gegnum daginn en útlenskar sjónvarpsstöðvar og ímyndunaraflið. Frábært fólk sem fylgir mér í gegnum lífið.

Fannst bara ég vera knúin til að koma þessu frá mér.....

Annars gekk Legoland ferðin mjög vel. Allir hressir og enginn grátur, frekja eða gnístan tanna, (strákarnir voru góðir líka) hehehe

 

hejsan

síðan síðast!!!!!

Sælt veri fólkið.
Síðan síðast hef ég meðal annars.....
1. Verið reiður útaf falli krónunar
2. rætt framsóknarmál við framsóknarmann og listamann/arkitekt
3. Labbað skattstofu Århus þvera og endilanga.(rosalega er það stórt hús maður)
4. farið í "gymnastik" með eldri soninn (hann hleypur hraðar en ég og hann er bara þriggja)
5. Ýmislegt annað sem ekki er birtingarhæft.

Er annars búin að vera spá í hver tók tappann úr Íslandi (finnst það sokkið það neðarlega að þá á varla skilið að vera skrifað með stórum staf). Spurning um að fá Benna World Class til að hrista lánadrottna íslands aðeins til. Fékk hinsvegar þessa líka frábæru útflutningshugmynd sem ég held að gæti leyst sjávarútveginn af hólmi. Af lestri mínum á mbl.is þá skilst mér að það sé til nægt magn af handrukkurum á Íslandi til að fylla atlandshafið. Af hverju er mafíum heimsins ekki boðin þessi þjónusta gegn vægu gjaldi. og að sjálfsögðu fengi ríkið sinn skerf í formi skatta.
"Kaupfélagsins",,,þú ferð í málið, enda annálaður frumkvöðull á sviði mannréttinda.
hejsan.

Og botniði nú.....

Jebb, svona er þetta bara. Klakinn búin og ræktin byrjuð. Skólinn að gera mig vitlausan og fjölskyldan heldur mér á jörðinni. Frekar langt síðan að ég varð almennilega í glasi og ég þarf að fara biðja konuna að raka á mér höfuðið. Drengirnir standa sig eins og hetjur og konan enn betur. Bíllinn nánast kominn á tollaregluna. Eina sem vantar er ein djúpuð og kókómjólk með. Annars er þetta í fínu standi. sé fram á að það verði vitlaust að gera í skólanum og ég þurfi að virkja mína hópfélaga í að gera eitthvað svo ég sleppi létt........(ehemm)

 

Þangað til næst....

lömbin mín